Calixtinus - Psallat chorus celestium

 

 

                                                                                Psallat chorus celestium  

                                                                             Hymne de Fulbert de Chartres

                                                                              (f. 101v) (Livre I, Chap. XXXII)

                                                                                        f. 101v PDF

 

   Psallat chorus celestium : partition

 

  Psallat chorus celestium,

  letetur plebs fidelium,

  nunc resonent perpetuam

  apostolorum gloriam,

 

  in quorum choro Iacobus

  primus fulget apostolus

  nam per Herodis gladium

  primum sumpsit poli tronum.

 

  Hic Zebedei Iacobus

  Maior vocatur et probus,

  Qui facit in Gallecia

  Miraculorum milia.

 

  Ad templum cuius splendidum

  cunctorum cosmi climatum

  occurrunt omnes populi

  narrantes laudes Domini.

 

  Armeni, Greci, Apuli,

  Angli, Galli, Daci, Frisi,

  cuncte gentes, lingue, tribus

  illuc pergunt muneribus.

 

  Zelus Patris et Filii

  et Spiritus Paracliti

  nostra perfundat viscera

  per Iacobi suffragia. Amen.

                                                             ------------------------------------------------------------------------

 

  retour ŕ Codex chants

  

delhommeb at wanadoo.fr - 02/12/2016