Calixtinus - Felix per omnes

 

                                                                                       Felix per omnes

 

                                                       Hymne de Guillaume, de Jérusalem Vêpres Office

                                                                        (f. 104v-105r) (Livre I, Chap. XXII)

                                                                            f. 104v PDF   f. 105r PDF

 

                                                                                 Ymnus sancti Iacobi

                                                    a domno Guillelmo patriarcha iherosolimitano editus,

                                                                 ad vesperas et ad laudes cantandus

 

  Felix per omnes Dei plebs ecclesias

     Devote laudis Christo reddat hostias,

     Qui confutavit demonis versucias

     Et reparavit nobis amicicias,

     Que nos conducant ad celestes gracias.

 

  Cuius accensus amoris fraglancia

     Iacobus iuxta Galilee maria

     Pro ipso sprevit patrem, ratem, recia,

     Maius secutus dereliquit omnia,

     Spargens ubique vite seminaria.

 

  Cui nomen Christus Boanerges prebuit,

     ln maiestate Ihesum, qua resplenduit,

     Transfiguratum videre promeruit,

     Quique sedere dextre eius maluit,

     Iudeos atque gentiles edocuit.

 

  Iacobus maior verbi Dei virgula

     Simulacrorum contrivit obstacula,

     Confirmans gentes in fidei regula,

     Diversa egris dat salutis pocula,

     Pie defunctos suscitat per secula.

 

  Dum predicaret cunctis regem omnium,

     Apostolorum complens ministerium,

     Passus letalem sub Herode gladium,

     Primus eorum accepit martirium,

     Pro quo corone tenet privilegium.

 

  Herodem autem angelus aggreditur,

     Eius nam caro vermibus conficitur,

     Spiritus factis digna suis patitur.

     Iacobus dignis laudibus extollitur,

     ln Compostella cuius corpus petitur.

 

  Ergo pro tanti militis victoria,

     Cuius attollit modulos ecclesia,

     Sit Patri, Nato, Spiritui gloria

     Et nobis boni sit perseverantia,

     Qua perfruamur politica patria. Amen.

                                                           --------------------------------------------------------

    

  retour à Codex chants   

              

                                                           delhommeb at wanadoo.fr -  28/11/2016