Ludus Sancti Jacobi  

 

                                                           LUDUS SANCTI JACOBI

                                           FRAGMENT DE MYSTÈRE PROVENÇAL

                                     DÉCOUVERT ET PUBLIÊ PAR CAMILLE ARNAUD

 

  Ludus Sancti Jacobi texte intégral PDF

 

  (introduction)

 

  Pas et consolatium

  Vulha donar nostre senhor

  Aquesto conpanhio bello

  Et la vuelha per sa cortissio

  De tot mal gardar

  Dieus que nasque

  De humana natura

  E duna berges neta pura

  Nos don far tal portamen

  Que vengan tos a salvamen

 

  Bonas gens an breu parlar

  Un miracle vos volen mostrar

  De sant Jame en veritat

  Et si voles de cor Dieu servir

  E a sanct Jame voles hobeir

  Elles vos gardarant de morir

 

  Como vos veyres de tres pellegrins

  Coysi tos tres un bon matin

  Se partigron de bon corage

  Per anar en romavage

  Et en lur chamin van trobar

  Huna hostalaria

  En la qualla van trobar

  Una serventa nomada Beatrix

  E lo filh del pellegrin priar

  Que le deguessa donar desa amor

  E dautra causa li vay demandar

  Coma vos veyres aysi jugar

 

  Mes el fouc illuminat

  De sant Jayme fouc gardat

  Car avio dieu en son entendement

  E la verges Maria parelhament

  E la filha vay reservar

  Et aysi li vay prear

  Que elle lo deges layssar

  Et de aco non parlar

  Car el volia fa on viage

  Et far lo volio sans autrage

 

  Et ella si vay esmaginar

  Cousi ella poyria far

  Que ella fossa vengada

  Car el l avia refueso

  Et del demon fouc tentea

  Que ella degessa maniera trobar

  Que en sa maleta dogues butar

  Una tassa d argent

  Afin que el fos pendut en continent

  Aco ella vay far

  Car lo diable la vay tentar

 

  Et feys la cort apres anar

  Et lo filh feys encarcerar

  Et a la forcha lo van botar

  Mes lo filh vay Dieu pregar

  Et a sant Jame se vay recomandar

  Que lo volges de tot gardar

  E mays la verges Maria

  Que lo gardes de vilhania

  Per so Dieus li vay mandar

  Dos angiols per lo confortar

  Et sant Jame per lo sostenir

  Car tostens l avia servit

 

  Pertant vos dic grans et petis

  Que vulhas en tendres amos dichs

  Et non ulhas gayre parlar

  Mas vulhas ben scotar

  Car si voles ben entendre

  Grant esemple hi poyres prendre

  Car qui aura bona devocion

  Ny hi metra sa entension

  Enver Dieu en son sans servir

  Et sant James voles hobeyr

  Sera gardat de tot mal aprendre

  Per so vulhas ben entendre

  Et en vostra memoria conpendre

 

  Los personages que jugaran

  Que vulhas ben auvir

  Et los dis retenir

  Coma sant Jame amic de Dieu

  Car aussi creso ben ieu

  Per la requesta de Jesus Christ

  Miracle al pellegrin fit

  Que de tor lo van gardar

  Como dessus declararan

 

  E la serventa nomada Beatrix

  Li fero son cur marit

  Et si la feron cremar

  E la van botar

  Car ella vo avio ganhat

 

  Mantenent non vos dich plus

  Car vos ho declayraren per dessus

  Per non vos plus detiar

  Vos prege vos vulhas asetar

  Et vos fasses un pauc ariero

  Car vos ne veyres la maniera

  Et los angils faren cillate

  Et qui dieu comensar comense

  Car es causa convenabla.

                                        --------------------------------------------------------------------------

      

  retour à Q.Culture littérature

  home

                                                                       01/06/2015

delhommeb at wanadoo.fr